33.8 C
Скопје
28. јуни 2022
Centar.mk – Вести, бизнис, забава, спорт…
Македонија

Крадела накит од семејства каде што работела па го продавала – кривична пријава за 55-годишна жена

Кривична пријава за 55-годишна жена од Тетовско, која се сомничи дека извршила две кражби на златен накит од семејства каде што била работно ангажирана, соопшти полицијата.

Жената го украла накитот и потоа го продала за сума од 760 евра.

„Секторот за внатрешни работи Тетово расчисти две кражби на златен накит извршени во април годинава во Тетово и тетовско Желино и поради основи на сомнение дека ги извршила кривичните дела до Основното јавно обвинителство Тетово поднесе кривична пријава против 55-годишната Х.А. од тетовска Палатица“, информира МВР.

Х.А. се сомничи дека во куќа во Желино и стан во Тетово, каде што била работно ангажирана, од нивните сопственици противправно одзела златен накит, кој го продала во златарница во Тетово за сума од 760 евра. Накитот е пронајден и вратен им е на сопствениците.