Потпорниот ѕид што вчера се урна овде во населба Пинтија, уште еднаш на дело ја покажа неспособноста на кадрите на ВМРО-ДПМНЕ, обвини Дарко Филиповски, советник во Советот на општина Кисела Вода.
„ Додека потрошија над 600 милиони за споменици, барок и палми ВМРО-ДПМНЕ и тогашниот градоначалник Коце Трајановски фушерски изведуваа проекти каде очигледно побитни биле провизиите отколку квалитетот.
Показател за тоа е и овој потпорен ѕид кој вчера се урна и чиста среќа е што при тоа нема човечки жртви. За овој катастрофален пропуст мора да им одговорност и од изведувачот, но и од поранешниот градоначалник на Град Скопје, Коце Трајановски“ додаде Филиповски.
Тој изјави дека градоначалникот Ѓорѓиевски исто како и градоначалничката Данела Арсовска освен што ја партизирал општината, народните пари ги трошел на непродуктивни трошоци, а во првите седум месеци од мандатот не сработел ништо за граѓаните и општината.
Градоначалниците од ВМРО-ДПМНЕ се најголемо разочарување за граѓаните, порача Филиповски.
