Министерот за надворешни работи на Република Северна Македонија Бујар Османи, денес на 25 мај 2022 во Скопје, ќе биде домаќин на министерот за надворешни работи на Хеленската Република Никос Дендијас, кој доаѓа во работна посета на Северна Македонија.
Предвидено е министрите да дискутираат за евроинтеграциите, за билатералните односи, во тој контекст напредокот во развојот на стратешкото партнерство, случувањата во регионот, посебно од аспект на неговите интегративни процеси, случувањата во светот, како и обврските и спроведените активности согласно Преспанскиот договор и исполнувањето на утврдените цели согласно Акциониот план за соработка и имплементација на Преспанскиот договор.
За време на посетата, министерот Дендијас ќе оствари средби и со претседателот на Владата на Северна Македонија Димитар Ковачевски и со заменикот на претседателот на Владата Бојан Маричиќ, задолжен за европските прашања.
НАЈЧИТАНО НА ИНТЕРНЕТ...
