„Ветувањата ги исполнуваме и од зацртаните цели не отстапуваме“, истакна премиерот Димитар Ковачевски заблагодарувајќи се на сите владини претставници за трудот кој го вложиле во реализација на едно, од како што рече, најважните ветувања на Владата.
„Владата предводена од СДСМ го реализираше едно од најважните ветувања дадено пред граѓаните уште во 2017, просечна плата од над 30.000 денари. Покачувањето на платите и вложувањето во стандардот на граѓаните е политика на која останавме доследни. И покрај сите опструкции од опозицијата и блокирани закони за раст на платите, платите во континуитет растат. Малку кој веруваше дека ќе имаме просечна плата од 30.000 денари. Ова ветување беше мета на критика и потсмев, но со доследни политики успеавме да го реализираме“, вели Ковачевски.
„Во време на голема економска криза, како што објаснува, сфаќаме колку е значајно вложувањето во приходите на граѓаните и работниците. „Со покачувањето на платите се штитиме од големиот раст на цените, а Буџетот го насочуваме онаму каде е најпотребно. Пред нас е тешка зима во која ќе ги вложиме сите сили да ги намалиме ценовните шокови. Сакам да ве уверам, дека Владата е целосно посветена и подготвена за се што претстои. Ќе работиме максимално одговорно, посветено и ефикасно во интерес на граѓаните“, дополнува Ковачевски.
ПОПУЛАРНО НА ИНТЕРНЕТ...
