Две лица се тешко повредени во сообраќајна несреќа што се случила вчера на регионалниот пат Младо Нагоричане – граничен премин Пелинце во атарот на с. Младо Нагоричане.
Според информациите, несреќата се случила кога автомобил „сеат ибица“, со кумановски регистарски ознаки, управувано од С. М. (20) с. Младо Нагоричане, излетало надвор од коловозот.
Во несреќата тешки телесни повреди добила С. М., а телесни повреди добила сопатничката С. М. (19) од с. Младо Нагоричане, констатирани во Општата болница во Куманово. Извршен бил увид од екипа на СВР Куманово.
