Јапонскиот премиер Фумио Кишида рече дека Јапонија полека го намалува увозот на руска нафта во знак на единство во напорите на групата седум светски индустриски сили против руската инвазија на Украина.
Лидерите на земјите членки на Г7 одржаа онлајн-состанок во неделата и ја објавија својата посветеност на напорите за постепено укинување на увозот на руска нафта поради притисокот врз Москва да ја прекине својата агресија против Украина.
„Тоа е исклучително тешка одлука за земја што главно се потпира на увоз на енергија, вклучително и нафта. Сепак, единството во Г7 е најважно во моменто“, изјави Кишида за новинарите во понеделникот.
Кишида рече дека укинувањето на увозот на руска нафта ќе биде постепен и бавен процес, а неговата временска рамка ќе биде решена подоцна бидејќи таквиот процес бара потрага по алтернативни извори на енергија.
Речиси четири отсто од увозот на нафта во Јапонија доаѓа од Русија. Јапонија исто така најави планови за постепено укинување на рускиот увоз на јаглен.
ПОПУЛАРНО НА ИНТЕРНЕТ...
