„ВМРО-ДПМНЕ декларативно ја осудува руската агресија во Украина, а од друга страна во Скопје и 15 други општини мнозинството на градоначалниците на ВМРО-ДПМНЕ им го обезбедува Левица, која отворено ја поддржува руската агресија“ рече потпретседателот на СДСМ, Стефан Богоев во „24 анализа“ на ТВ24.
Тој додаде дека Левица во своите ставови е на линија на Москва, а во Град Скопје поради обезбедувањето на мнозинство во советот, поставен е директор на Културно информативниот центар од Левица, како и многу членови на Левица се поставени во управните одбори.
„Од една страна велите ја осудуваме руската агресија, а од друга страна делите од колачот во Град Скопје и 15 други општини со единствената партија што отворено ја поддржува руската агресија“ рече Богоев.
Тој ја повика опзицијата да не биде лицемерна, туку да седнат заедно со власта за да се решаваат крупните проблеми и еднаш пред граѓаните да се покажат заеднички напори и резултати.
ПОПУЛАРНО НА ИНТЕРНЕТ...
