Скопјанец искористил метеж при влегување во автобус и од чантата на една жена украл паричник со пари и документи. Инцидентот се случил на автобуска постојка на булеварот Кузман Јосифовски-Питу.
Тој бил фатен на улицата Стале Попов во Скопје. Според информациите, се работи за С. С. (54) од Скопје.
Тој бил приведен во Полициската станица Центар и во службен разговор го признал делото. Кај него биле пронајдени одземените предмети, кои ѝ биле вратени на сопственичката. За случајот бил запознаен јавен обвинител и по целосно документирање на случајот, против него ќе биде поднесена пријава по член 235 од Кривичниот законик.
