Приоритет на Владата предводена од СДСМ во време на најголемата глобална криза е заштита на стандардот на граѓаните и ликвидноста на стопанството, велат од партијата во утринското соопштение.
Во него се додава дека антикризниот пакет од 26 мерки веќе дава видливи резултати.
„Благодарение на намалувањето на ДДВ и на акцизата, нашите граѓани точат нафтени деривати по најниски цени во регионот.
Дополнително се намалени цените на бензините за два денари по литар, а цената на дизелот е намалена за три денари.
СДСМ како одговорна партија продолжува со реализација на мерки и политики кои го заштитуваат стандардот на граѓаните и обезбедуваат економска стабилност“, се наведува во партиското соопштение.
