Полицијата во Тетово соопшти дека привела двајца мажи, жители на Тетово под сомнение дека ја запалиле со молотови коктели локалната обложувалница- казино.
-Денеска (18.3.2022) во 7:10 часот, полициски службеници на СВР Тетово го лишиле од слобода 30-годишниот тетовец А.К. поради сомнение дека заедно со тетовецот Н.Л.(34) околу 5:00 часот фрлиле шишиња со запалива течност во спортска обложувалница-казино на улица Илинденска во Тетово и предизвикале пожар. Притоа, со повреди се здобиле двајца полициски службеници кои во објектот презеле службени дејствија во врска со друг, претходно пријавен настан, соопштија од МВР.
Според нив, А.К. е задржан во Полициската станица Тетово за расчистување и документирање на случајот и против инволвираните ќе следуваат соодветни поднесоци.
ПОПУЛАРНО НА ИНТЕРНЕТ...
