Времето викендов ќе биде променливо облачно и студено со сончеви периоди. Во источните подрачја ќе има услови за провејување слаб снег. Ќе дува умерен, повремено засилен ветер од северен правец. Минималната температура ќе биде во интервал од -13 до -4, а максималната ќе достигне од -2 до 7 степени.
Во Скопје променливо облачно со сончеви периоди и студено. Ќе дува умерен, повремено засилен ветер од северен правец. Минималната температура ќе се спушти до -8, а максималната ќе достигне 5 степени.
И в недела ќе се задржи променливо облачно и студено време со сончеви периоди и температури под просекот за овој период од годината. Постепен пораст на температурите ќе има од понеделник и во деновите потоа кога ќе преовладува сончево време со појава на мала до умерена локална облачност.
