17-годишно женско лице било тешко повредено во сообраќајка на патот Битола – Прилеп.
Синоќа во 22:18 часот во СВР Битола било пријавено дека на патот А3 Битола – Прилеп, патничко возило „опел“, со битолски регистарски ознаки, управувано од Н.П.(41) од Демир Хисар удрило во животно и излетало од коловозот.
Во несреќата со тешки телесни повреди се здобила 17-годишна сопатничка, а со телесни повреди М.П.(65), и двете од Демир Хисар, констатирани во Клиничката болница во Битола.
Увид на местото на несреќата извршила екипа од СВР Битола.
