„Виза“ и „Мастеркард“ ги прекинаа операциите во Русија

„Виза“ и „Мастеркард“ објавија дека ќе го прекинат бизнисот во Русија поради инвазијата на земјата врз Украина.

„Виза“ соопшти дека ќе ги прекине трансакциите „во наредните денови“ и дека соодветно на тоа картичките издадени во Русија нема да работат во странство, како и дека картичките издадени во странство нема да работат во Русија, пишува РСЕ.

„Принудени сме да дејствуваме по неиспровоцирана руска инвазија на Украина и неприфатливите настани на кои бевме сведоци“, рече Алфред Кели – претседател и извршен директор на американската компанија за дигитално плаќање „Виза“.

„Мастеркард“ издаде слична забрана, наведувајќи дека картичките издадени од руските банки повеќе нема да ја поддржуваат нејзината мрежа.