Во еден ден казнети 240 пешаци кои поминале улица на црвено или надвор од пешачки премин

Санционирани се 240 пешаци за време на акциската контрола што вчера ја спроведе полицијата на територијата на целата држава.

Од нив 196 биле затекнати дека небезбедно преминуваат улица надвор од пешачки премин, а 31 минале на црвено светло. Само во Скопје изречени биле 85 санкции, 65 во Тетово, 29 во Битола.

За време на контролата регистрирани се и 127 останати прекршоци.

Засилените сообраќајни контроли продолжуваат и во наредните денови. МВР апелира до граѓаните да ги почитуваат сообраќајните правила и прописи. Пешаците да го минуваат коловозот на обележан пешачки премин затоа што непочитувањето на сообраќајните правила ќе биде санкционирано.