СДСМ: Арсовска лаже дека ги исчистила депониите, диви депонии никнуваат во Карпош и по цело Скопје

Данела Арсовска излажа дека Градот исчистил 150 депонии во првите 82 дена од нејзиниот мандат, обвинуваат од СДСМ.

„Не само што не се исчистени постоечките, туку во секоја општина во Скопје постојано никнуваат нови диви депонии кои Арсовска ги игнорира. Карпош е само една од многуте општини каде што дивите депонии се неисчистени, што може да се види и од фотографиите во прилог.

Арсовска во првите три месеци од мандатот не сработи ништо, не ги продолжува проектите од својот претходните, не реализира ниту свои проекти, градот е нечист и без план за иден развој“, се вели во соопштението.

Од партијата додаваат дека нивелацијата на шахти, партизацијата на Градот и изземањето од одговорност, е резултатот на Арсовска во првите три месеци од нејзиниот мандат.