26. август 2025
Centar.mk – Вести, бизнис, забава, спорт…
БИЗНИС

Првиот лет од Софија до Скопје на 11 февруари, со него доаѓа бугарска делегација

Првиот лет од Софија до Скопје пристигнува на 11 февруари, при што со бугарска делегација предводена од министерот за транспорт и комуникации на Бугарија, Николај Сабев, придружуван од бугарските тур-оператори, ќе оствариме заедничка средба и ќе разговараме за отворање на нови можности за нашите граѓани и за воспоставување на авиолинијата Скопје – Софија како редовна, истакна министерот за транспорт и врски, Благој Бочварски, денеска од Кочани, при увид во изградба на социјална зграда.

Бочварски очекува авиолинијата да ги поврзе двата главни града и да започне редовно да оперира од почетокот на месец март.

Тур-операторите од двете земји, на заедничката средба, ќе понудат и трета дестинација, дополнување од летот Софија – Скопје, која треба да понуди нови можности за нашите граѓани.

„На 10 февруари во Софија ќе имам работна средба со министерот Сабев, заедно со нашите тимови од Комисијата за транспорт и инфраструктура, а веќе наредниот ден на 11 февруари, ќе се реализира првиот лет Софија – Скопје, каде министерот, со бугарските тур-оператори ќе пристигнат во нашиот главен град. На заедничката средба, тука кај нас, вклучително и со нашите тур-оператори, ќе разговараме за воспоставување на оваа линија како редовна, со која ќе овозможиме нови поволности и најдобри солуции за нашите граѓани. Имаме и заинтересирана авиокомпанија за реализација на оваа авиолинија и очекувам таа да стане редовна од почетокот на месец март“, изјави министерот Бочварски.

Иницијативата е дел од договорите и разговорите кои во последниот месец се интензивираа помеѓу Владите на Северна Македонија и Бугарија, со цел развивање на економијата, туризмот и комуникациите меѓу двете земји.

Бочварски при увидот на изградбата на социјалната зграда во Кочани, каде се градат 34 социјални станови, рече дека очекува зградата да биде готова до крајот на годинава.

Можеби ќе ве интересира

Димитриеска-Кочоска во Загреб- Потпишан Меморандумот за разбирање и соработка насочена кон развој на пазарите на капитал во земјите од Централна и Југоисточна Европа

ДЕСК

По 17 години – нови правила за одобрување возила од 1 септември: Поевтино, побрзо и 1,3 милиони евра назад кај македонски компании

ДЕСК

ССМ со жестоко соопштение: Функционер со 150.000 денари плата или 2.500 евра плата му кажува на работник со 24.397 денари или 400 евра плата како нема да му ја зголеми платата и како добро се живее, веројатно за да не аздиса многу работникот

ДЕСК