„Најголем проблем во Општина Крушево е што за жал, дури и во 21 век, се уште дел од граѓаните се соочуваат со недостаток на вода за пиење. Ова е децениски проблем, за кој се ветувало решение во изминатите 30-40 години“ кажа градоначалникот на Крушево, Томе Христоски во емисијата „24 анализа“ на ТВ24.
Тој додаде дека конечно општината го решава овој проблем со изградба на неколку резервоари за вода, како и обновување и градење на водоводната мрежа.
„Граѓаните бараат и чекаат резултати. Во новиот мандат го продолжуваме започнатото од претходно. Во минатиот мандат изградивме преку 50 километри локални и регионални патишта, канализациони системи, водоводни мрежи, резервоари за вода и насочивме доста фондови кон Крушево“ кажа Христоски.
Тој додаде дека преку грант од Светска Банка општината обезбедила 500 илјади евра, 200 илјади евра обезбедиле за гасификација на спортската сала и гимназијата, а преку фондовите на ЕУ обезбедиле 700 илјади евра за раст и развој на туризмот со прекуграничка соработка со Елбасан.
ПОПУЛАРНО НА ИНТЕРНЕТ...
