Centar.mk – Вести, бизнис, забава, спорт…
МАКЕДОНИЈА

Бочварски: За само четири години имаме изградено преку 500 километри канализации и водоводи

„За само четири години од мандатот на оваа влада имаме изградено преку 500 километри канализации и водоводи. Тоа е значајна бројка на километри ваква инфраструктура“ кажа министерот за транспорт и врски, Благој Бочварски во „Топ тема“ на Телма.

Тој додаде дека во Министерството за транспорт и врски има и цела линија на Европската инвестициона банка од 50 милиони евра, што значи дека во наредниот период ќе има повик преку Министерството за животна средина и просторно планирање за реализација на вакви проекти.

„Имаме реализирано голем број на проекти со што сме помогнале на граѓаните и на општините. Тоа е суштината на функционирањето на една општина, да овозможи инфраструктура за граѓаните, но општините не секогаш имаат капацитет, финансиски и стручен, да обезбедат водоводи, канализација и атмосферски канали“ кажа Бочварски.

Тој додаде дека тимот во Министерството е целосно искоординиран и ќе продолжи да работи на сите проекти за доброто на државата и граѓаните.

Можеби ќе ве интересира

Мисајловски на одбележувањето на 25 годишнината од Резолуцијата 1325: одбраната е предводник во политиките за родова еднаквост

ДЕСК

Грабеж среде бел ден во центарот на Скопје – прво физички го нападнале, а потоа го опљачкале

ДЕСК

Полицијата трага по исчезнато 16 годишно девојче

ДЕСК