„Зголемување на домашното производство на електрична енергија преку инвестиции во нови зелени енергетски инфраструктурни проекти е вистинскиот пат кон обезбедување на енергетската независност на Република Северна Македонија“ кажа мандатарот на новата влада, Димитар Ковачевски во неговото експозе во Собранието.
Тој додаде дека новадата влада ќе посвети многу енергија и труд во делот на енергетската политика, бидејќи уште еднаш се покажа колку сме ранливи доклку сме високо енергетски зависни.
„Заштита на животната средина останува врвен приоритет бидејќи тоа значи обезбедување на здрава и сигурна иднина на следните генерации. Се залагаме за долгорочен одржлив развој што се темели на грижливо користење на природните ресурси. Контролата и намалувањето на загадувањето останува една од основните цели“ кажа Ковачевски.
Тој додаде дека фокусот на обновливите извори на енергија и ефикасното искористување на расположливите природни ресурси, како што се сонцето, ветерот и водата претставуваат основа на македонската енергетска револуција.
