12. октомври 2025
Centar.mk – Вести, бизнис, забава, спорт…
МАКЕДОНИЈА

Ескобар: Зборувавме со Франција што е можно побрзо да почнат преговорите на Македонија со ЕУ

Заменик-помошникот на државниот секретар на САД за Западен Балкан, Габриел Ескобар, зборувал со Франција за пристапните преговори на Северна Македонија со Европската Унија, која од први јануари го презеде шестмесечното претседателство со Унијата.

„Ставивме јасно до знаење дека ние веруваме дека членството во ЕУ за сите држави од Западниот Балкан е од суштинско значење за сите нас. Веруваме дека тие се дел од Европа, веруваме дека како што ги исполнуваат условите со затворање на поглавјата треба да бидат сè повеќе интегрирани во ЕУ и мислиме дека тоа ќе биде решение за сите држави. Секоја држава што влегла во ЕУ станала подемократска, попросперитетна и постабилна“, изјави тој за Гласот на Америка на македонски јазик.

Тој рече дека верува оти ЕУ не ја разочарала Северна Македонија бидејќи и натаму продолжува да ѝ помага.

„Верувам дека ќе постигнеме соодветен договор за многу кус временски период. Ќе работиме на тоа“, кажа тој.

Ескобар смета дека шест месеци, како што најави бугарскиот премиер Кирил Петков за решавање на спорот со Северна Македонија, се доволни да се решат проблемите, иако нагласи дека постои фрустрација меѓу европските партнери оти процесот не се одвива брзо.

Тој, исто така, рече дека САД остануваат на позицијата дека Северна Македонија и Албанија не треба да се одвојуваат во процесот на пристапување во ЕУ.

Можеби ќе ве интересира

Николоски од Охрид: Кирил Пецаков ќе има историски најголема победа, реализираше бројни проекти и покрај тоа што три години се соочуваше со опструкции

ДЕСК

Филипче повика на мобилизација: Ова не се обични избори, ова е морална битка за Македонија

ДЕСК

Мицкоски: ВМРО-ДПМНЕ нуди програма и проекти, додека СДС-ДУИ-Левица излегуваат со најцрната и најмизерната кампања што некогаш Македонија ја видела

ДЕСК
error: Соддржината е заштитена.