ПР тимот на градоначалничката на Град Скопје, Данела Арсовска манадтот го започна со конзервативни манири без почит на родовата еднаквост. Во сите официјални објави за нејзините активности, тие го користат терминот „градоначалник“ во машки род за Арсовска.
На ова реагираа голем број на граѓани, кои ја критикуваа оваа практика во коментарите и бараат Арсовска да се ословува со правилниот термин „градоначалничка“.
„Ауу вие стварно имате сериозен проблем со зборот градоначалничка“, „Градоначалничка! Си постои зборот во македонскиот јазик, употребете го“, се само дел од коментарите под објавите на социјалните мрежи на Град Скопје.
По бројните коментари на последната објава, тимот на Арсовска, попушти и направи промена и го смени терминот од „градоначалник“ во „градоначалничка“. Сепак, граѓаните очекуваа поголема почит за родовата еднаквост и општо, поголема почит за жените, од градоначалничката на Скопје и нејзината администрација.
ПОПУЛАРНО НА ИНТЕРНЕТ...
