„Веднаш по првиот круг на локалните избори видовме какви се во својата душа противкандидатите и велат Скопје бил вмровски град. Не, Скопје не е вмровски град, Скопје не е сдсмовски град. Скопје не е на ниту една политичка партија, Скопје е на вас граѓаните и граѓанките“ кажа кандидатот за градоначалник на Град Скопје од СДСМ и коалицијата, Петре Шилегов на граѓанскиот собир во Карпош.
Тој додаде дека ВМРО-ДПМНЕ повторни го потценува и понижува јавните граѓани, бидејќи нивната кандидатка Данела Арсовска одбива да излезе на јавна дебата и на соочување на фактите.
„Немаат ниту минумум демократска пристојност. Граѓаните треба да одлучуваат од нашите соочувања, нашите стратегии, што е планот на секој од нас за развојот на градот“ рече Шилегов.
Градоначалникот на Скопје додаде дека тој нема ништо против некој да се чувствува како Бугарин и да има бугарско државјанство, но има против кога некој тоа го крие од граѓаните и лаже.
„Како може човек што бега од своето минато, да гради иднина за целиот град?“ запраша Шилегов.
