Centar.mk
вестМАКЕДОНИЈА

Илиевски: Дислокација на монтажната гаража во центарот на Куманово

Оливер Илиевски кандидатот на СДСМ за градоначалник на Куманово денеска на прес-конференција во центарот на Куманово, до самата монтажна катна гаража која ја постави актуелниот градоначалник Димитриевски, најави дека истата ќе биде отсранета и дислоцирана на место кадешто е потребна.

„Се наоѓаме во центарот на градот, срцето на Куманово. Еден од главните приоритети во наредниот мандат е токму уредувањето на центарот. Се наоѓаме пред монтажниот објект наречен катна гаража, кој ќе биде отстранет по 31-ви октомври. Сообраќајниот метеж не се решава со привремени монтажи, туку со план и идејни решенија. Истата оваа монтажна гаража ќе биде дислоцирана и пренесена таму кадешто ваков тип гаражи се потребни, а не во центар!„ рече Илиевски.

Илиевски потенцираше дека во програмата на СДСМ и коалицијата предвидени се 3 вистински катни гаражи со над 1000 паркинг места, кои им се неопходни на граѓаните за непречено движење низ најпрометните улици, особено во работните денови.

„Знаејќи дека сите значајни институции се наоѓаат токму тука, наместо да се паркира било каде да се заврши определена обврска, секој ќе има можност своето возило да го остави на уредно паркинг место, со што ќе се спречи сообраќајниот метеж, а дополнително ќе се остави простор за пешаците кои поминуваат, слободно да се движат низ центарот.„

Можеби ќе ве интересира

ВО САБОТА Е ГОЛЕМ ПРАВОСЛАВЕН ПРАЗНИК – Се слави Свети Архангел Михаил, еден од најпочитуваните небесни заштитници

ДЕСК

ПРОТЕСТ ПРЕД ПОЛИЦИЈАТА ВО ОХРИД – Се бара одговорност од институциите и заштита за секоја жртва на насилство

ДЕСК

ОКОЛУ 120 ЖЕНИ ГОДИШНО ЗАБОЛУВААТ ОД РАК НА ГРЛОТО НА МАТКАТА – Лекарите со важен апел за превенција

ДЕСК