Стадионот е комплетно сработен, а претходно беше руина оставена од режимот, истакна кандидатот за градоначалник на СДСМ за Прилеп, Горан Сугаревски на дебатата на ТВ24. Тој потсети дека сега стадионот е комплетно направен и таму сите прилепчани ќе имаат прилика да ги проследат натпреварите на ФК Победа.
-Сите како да сакаат и да заборават на новиот спортско-рекреативен центар на вештачкото езеро, до каде е направена и патната инфраструктура. Тоа е одлично место за рекреација како за младите, така и за возрасните, нагласи Сугаревски.
Кандидатот на СДСМ дополни дека во моментов се води постапка и за преземањето на Универзалната сала од страна на општината, што укажува на фактот дека се вложува во спортот и младината.
Сугаревски исто така кажа дека жали што граѓаните на Прилеп немале прилика на дебата да го чујат противкандидатот од ВМРО-ДПМНЕ.
ПОПУЛАРНО НА ИНТЕРНЕТ...
