30. август 2025
Centar.mk – Вести, бизнис, забава, спорт…
МАКЕДОНИЈА

Министерката Шахпаска во работна посета во Тирана, Албанија

Министерката за труд и социјална политика Јагода Шахпаска од денеска е во дводневна работна посета на Тирана, Албанија. Во рамките на посетата министерката Шахпаска ќе има билатерална средба со Огрета Манастирлиу, министерката за здравство и социјални прашања на Албанија.

Министерката Шахпаска ќе учествува и на седмиот по ред Форум за поврзување, (Tirana Connectivity Forum), кој се одржува во Тирана.

Оваа година на Тиранскиот форум за поврзување, кој се одржува под мотото „Заедно градиме подобар Балкан“, ќе се дискутира за Економскиот и инвестициски план на Европската унија за земјите од Западен Балкан.

Министерката Шахпаска ќе учествува на панел дискусијата насловена „Што има за младите во Економско инвестицискиот план за Западен Балкан“, каде ќе ги презентира искуствата на Република Северна Македонија во дизајнирањето и имплементирањето на политики насочени кон подобра интеграција на младите на пазарот на труд, а особено ќе се осврне на нашите искуства како прва земја од регионот која ја воспостави и ја спроведува „Младинската гаранција“, по примерот и моделот развиен и применет во земјите од Европската унија.

Во панел дискусијата, покрај министерката Шахпаска, ќе учествуваат и Федерика Могерини, поранешната висока претставничка на ЕУ за надворешни прашања и потпретседателка на Европската комисија.

Овогодинешниот Форум во Тирана е дел од официјалниот календар на настани во рамки на Словенечкото Претседателство со Европската унија.

Можеби ќе ве интересира

Физички го нападнале и го удирале со боксови и клоци по целото тело и глава – детали за убиството во Кавадарци

ДЕСК

Денес е неработен, а веќе следниот месец следува продолжен викенд – Еве ги преостанатите празници до крајот на 2025

ДЕСК

Спречен обид за криумчарење препарати за заштита на растенија преку ГП Меџитлија

ДЕСК