Подготвен сум да го вложам најдоброто од себе, но за тоа ми е потребна вашата поддршка, порача кандидатот за градоначалник на СДСМ, Живко Гошаревски од партиската трибина во Ресен. Тој рече дека Ресен во иднина го замислува како развиен и перспективен град, урбанистички современ, а Преспа за место кои е можност и каде ќе може да се работи, да се твори, да се старее и да биде привлечна туристичка дестинација со културни и спортски настани.
-Во наредните четири години локалниот економски развој ќе биде носечки столб, заедно со продолжување на имплементацијата на мерки за отворање нови работни места, кажа Гошаревски.
Тој најави изградба на современа инфраструктура и пречистителни станици и канализации.
-Планираме реконструкција на централниот водоводен систем со што ќе се реши во Преспа водоснабдувањето, како и канализациски систем во населените места покрај езерото, неопходна е реконструкција на повеќе градски улици заедно со атмосферска канализација, а и двете згради на училиштето „Мите Богоевски“ ќе бидат реконструирани, кажа Гошаревски, ветувајќи и изградба на катна гаража.
