Денеска, во касарната во Ѓорче Петров, министерката за одбрана, Радмила Шекеринска и амбасадорката на Обединетото Кралство во Северна Македонија, Рејчел Галовеј ќе присуствуваат на примопредавањето на британска донација од системи за преноќување, наменети за припадниците на Лесната пешадиска баталјонска група и за специјалните сили.
Донацијата се состои од два типа вреќи за спиење за три сезони и летни, потоа подлоги за вреќи за спиење, мали шатори – набљудувачници за снајперисти и тунелски шатори за специјалци.
