Премиерот Зоран Заев смета дека претерано е кажувањето на прехранбениот сектор дека до крајот на годината цената на производите ќе поскапат за 50%.
-Тоа не е точно. Инфлацијата во државата е контролирана и таа е до 2,7% и тоа е ниско ниво. Осетлива инфлација се чувствува над 15, 20 и тоа е факт. Ние не можеме да бидеме изолирани од настаните во светот. Отворен пазар сме и зависни од Европа и надвор од неа. Цената на струјата е главен индикатор за покачување на цените на производите на просечно ниво, не повеќе од 3%. Владата е тука за да помогне. Служиме за да им помогнеме на граѓаните, излегуваме од кризата, информира премиерот на прес-конференција.
