Министерството за внатрешни работи во текот на вчерашниот ден продолжи со засилените акциски контроли во областа на сообраќајот.
На територијата на град Скопје биле изречени вкупно 196 мерки, меѓу кои за возење над дозволената брзина 40, 14 за возење без возачка дозвола, седум за технички неисправни и нерегистрирани возила.
Изречени биле и 13 мерки за користење мобилен телефон, осум за минување на затворен сигнал -црвено светло, пет прекршоци што ги направиле возачите на мотоцикли, 72 за непрописно паркирање.
МВР апелира до граѓаните да ги почитуваат сообраќајните правила и прописи за поголема безбедност во сообраќајот.
