9. август 2025
Centar.mk – Вести, бизнис, забава, спорт…
БИЗНИС

План за намалување на цените за роаминг меѓу Западен Балкан и ЕУ до 2024 година, најави Вархељи

ЕУ планира на претстојниот самит на лидери да ја иницира т.н. патна карта, што ќе ги одреди условите и целите за намалување на цените на роаминг меѓу ЕУ и Западен Балкан, пренесуваат медиумите во регионот.

Според нивните извештаи, по тој повод, европскиот комесар за проширување, Оливер Вархељи, денеска разговарал со претставниците на телеком-операторите од регионот.

„Имав добри разговори со телекомуникациските оператори од регионот за тоа како да се постигне напредок во намалувањето на цените на роаминг и во рамките на Западен Балкан и во регионот со ЕУ. Подготвени сме да ги поддржиме инвестициите, така што ова ќе стане реалност“, рече Вархељи на својот твитер-профил.

На самитот за ЕУ на Западен Балкан како дел од дебатата за Економскиот и инвестицискиот план за регионот една од темите ќе биде создавање услови и постепено намалување на цените на роамингот од земјите од Западен Балкан и ЕУ 27.

ЕУ го поздравува успешното спроведување на регионалниот договор за роаминг, што овозможи почнување бесплатен роаминг меѓу земјите од Западен Балкан од 1 јули 2021 година.

Се додава дека намалувањето на цените за роаминг меѓу ЕУ и Западен Балкан ќе биде надградба на оваа регионална иницијатива.

Земјите членки на ЕУ денеска се согласија за текстот на декларацијата со која лидерите на 27-те земји на ЕУ ќе ја потврдат својата едногласна поддршка за европската перспектива на Западен Балкан на самитот во Словенија, како и поддршка за процесот на проширување врз основа на кредибилни реформи на партнерот, пишува во извештаите на агенциите.

Можеби ќе ве интересира

УЈП продаде запленет стан во Охрид, деловен простор во Струмица, земјиште во Прилеп – вкупно инкасирале 314.230 евра

ДЕСК

Кина речиси ги престигна САД, станува главен трговски партнер на Германија

C +

Инфлацијата ја изеде платата на македонскиот работник – Како преживуваат граѓаните со минималец?

ДЕСК