Се појавуваат нови докази, кои ја инволвираат Алијансата за Албанците во вчерашниот протест каде имаше уапсени лица, но и повредени полицајци, пишува порталот на албански јазик Tetovasot.com.
Член на претседателството на Алијансата била забележана како го пробива кордонот, а повик за тоа членството и симпатизерите на оваа партија да присуствуваат на вчерашните протести упатил и Арбен Зекири, шеф на ПР службата во оваа партија. Тој повикал на поддршка на протестот, но без партиски симболи.
Инаку вчерашниот протест кој беше најавен како мирен се претвори во ужас, кога беше каменувана полицијата.
Тетовската полиција вчера уапсила три лица – Б.А.(31) од кичевското село Туин, Н.Б.(52) од тетовска Мала Речица и Џ.С.(33) од Вешала, затоа што се однесувале агресивно и физички нападнале полициски службеници кои извршувале службени дејствија за време на вчерашниот протест во Тетово.
Од истите причини денеска се уапсени и В.А.(33) и А.Ш.(30), двајцата од Тетово.
ПОПУЛАРНО НА ИНТЕРНЕТ...
