Пиперката е неизбежен зеленчук во секоја зима. Се користи за да се направи она што секој најмногу сака да го јаде во зима, а тоа е ајварот. Но, пиперките може да се користат и на многу други начини.
Ако се уште не сте го пробале овој рецепт, крајно време е да го направите тоа, а ако веќе сте го пробале, тогаш знаете колку е вкусно.
Пиперките во сенф можете да ги послужите како салата со малку месо и не ви треба ништо друго. Всушност, можеби само парче топол домашен леб.
Состојки:
-10 пиперки
-150 мл вода
-70 мл оцет
-2 лажици шеќер
-1 лажица сол
-5 зрна бибер
-2 ловорови лисја
-200 гр сенф
-150 мл масло
Подготовка: Исечете ги пиперките на ленти. Во тенџерето ставете вода, оцет, бибер, шеќер, сол и ловоров лист. Ставете ја пиперката и варете со поклопен капак 15 минути. Соединете го сенфот и маслото добро, потоа додадете ги сварените пиперки во смесата и добро измешајте. Смесата ставете ја во тегли. Да се чува во фрижидер.
НАЈЧИТАНО НА ИНТЕРНЕТ...
