Во пожар целосно изгоре барака во скопската населба Пржино, при што тешко е повреден 68-годишен скопјанец. Според информациите, тој се обидел да го изгасне огнот, но безуспешно.
Огнот ја зафатил и кровната конструкција на објектот до неа.
Притоа, со повреди се здобил Ц.К., кој бил пренесен во Ургентен центар при Комплексот клиники „Мајка Тереза“ за укажување лекарска помош. Од екипа на Бригадата за противпожарна заштита пожарот бил локализиран. Увид извршила увидна екипа од СВР Скопје.
