Група од 28 луѓе славеле за положен испит во стан во Скопје. Сите се казнети со по 2.000 евра за непостапување според здравствените прописи за време на епидемија
Според информациите од Основното јавно обвинителство Скопје, обвинетите, сите на возраст од 20 и 21 година, на 21 мај во раните утрински часови, биле затекнати при проверка во стан на улицата „Славејко Арсов“ каде биле собрани на прослава за положен испит по анатомија.
„Со ова тие постапиле спротивно на прописите со кои се определени мерки за спречување на коронавирусот, а со кои се забранува групирање на прослави и други собири заради заштита на здравјето на населението“, соопшти Обвинителството.
