Организирал музички настан во локал за време на пандемија – полицијата со кривична пријава

СВР Струмица поднесе кривична пријава против правно лице – угостителски објект од Валандово и 43 годишно лице од с.Балинци, валандовско, поради постоење основи на сомнение за сторено кривично дело „непостапување според здравствените прописи за време на епидемија“.

На 01.08.2020 во 22.00 часот, полициски службеници извршиле контрола во угостителскиот објект, сопственост на А.Б., при што било констатирано дека на повеќе маси биле присутни повеќе лица, а бил организиран и музички настан со музика во живо, со што било постапено спротивно на протоколот за отворање и работа на угостителски објекти.