„Не се откажувам од изнаоѓање на решение со Бугарија, бидејќи нема што друго да правиме. Европската Унија нема алтернатива. Ние продолжуваме да се европеизираме дома, но не е исто сами да се европезирате и низ процесот на преговори, низ поглавјата. Низ поглавјата и кластерите доаѓаат и милиони за поддршка за да може да те мотивираат и охрабрат да покажеш навистина вредности и ефекти од реформите во државата“ кажа премиерот Зоран Заев во гостувањето на „Утрински брифинг“.
„Новата методологија е фер, доколку отворите и затворите пет поглавја имате за тој дел кохезивни фондови што ќе не движат напред“ објасни Заев.
Тој додаде дека се надева на решение со Бугарија, бидејќи и бугарскиот народ на претходните избори покажа дека сака европско лидерство и лидерство кое решава проблеми.
„До крајот на неделата, Портогалското претседателство со ЕУ ќе достави Стратегија до Бугарија и Северна Македонија за решавање на проблемот. Нашите црвени линии се јасни – ако се чепнат македонскиот идентитет и македонскиот јазик, ние се тргаме од преговорите. Тоа е јасно и европска вредност, за идентитет, никој, никогаш не разговарал“ кажа Заев.
