Министерството за надворешни работи одлучи да прогласи еден дипломат од руската амбасада за непожелна личност и тој треба да ја напушти земјата во рок од седум дена.
Како што соопшти македонското МНР, на 14 мај бил повикан амбасадорот на Руската федерација, при што била врачена нота со која се наложува на посочениот дипломат да ја напушти земјата.
Министерството нагласува дека одлуката е донесена во согласност со членот 9 од виенската конвенција за дипломатски односи.
Како причина за протерувањето се наведуваат активности што не биле во согласност со однесувањето кое се очекува од странски дипломат.
ПОПУЛАРНО НА ИНТЕРНЕТ...
