Centar.mk
МАКЕДОНИЈА

Двајца Косовци од автомобил во Скопје украле штотуку купен телефон

Скопското Основно јавно обвинителство поднесе обвинение против двајца државјани на Косово за кривично дело тешка кражба.

Како соизвршители, двајцата косовски државјани, на возраст од 37 и 41 година, влегле на територијата на државава преку граничниот премин Блаце на 19 април по што со автомобилот се паркирале на паркинг-простор пред маркет на улицата Митрополит Теодосиј Гологанов во Скопје.

Излегле од возилото и забележале како еден оштетен го паркира својот автомобил „ауди А6“ на истиот паркинг. Кога оштетениот го заклучувал своето возило со далечински управувач, еден од обвинетите со пресретнувач го блокирал сигналот на уредот за електронско заклучување.

Кога сопственикот се оддалечил, обвинетите го отвориле возилото и од преградата одзеле нов неупотребен мобилен телефон во кутија, вреден 90.000 денари.

Потоа истиот ден ја напуштиле македонската територија.​​

Можеби ќе ве интересира

ПАТАРИНИТЕ МОЖЕ ДА ДОБИЈАТ СОСЕМА НОВ НАЧИН НА НАПЛАТА – Николоски најавува современ електронски систем

ДЕСК

СУДСТВОТО СО 15,3 ПРОЦЕНТИ ПОВЕЌЕ ПАРИ ВО БУЏЕТОТ – За обвинителствата предвидено зголемување од 8,9 проценти

ДЕСК

ВО ПЕТОК БЛОКАДА ПРЕД ВЛАДАТА – Движењето „Ниту една повеќе“ најавува протест поради насилството врз жените

ДЕСК