Согласно одлуката на Владата на Република Северна Македонија за забрана за движење на населението во периодот од 20:00 часот до 5:00 часот наредниот ден, Министерството за внатрешни работи ги известува граѓаните дека сите управни служби на територија на државата кои работат втора смена ќе работат до 19:00 часот.
Сите граѓани на кои термините за аплицирање за лични документи им се закажани во периодот од 18:30 до 19:45 часот, ќе можат да ги искористат во текот на целиот работен ден до 18:30 часот, притоа почитувајќи го датумот на закажаниот термин, стои во писменото соопштение од МВР.
