Блокада на булеварот Борис Трајковски кај фабриката „Усје“ најави за денеска советничка група на ВМРО-ДПМНЕ.
Блокадата ќе биде во интервал од 13 до 14 часот, информираа од партијата.
ВМРО-ДПМНЕ и Коалицијата бараат повлекување на точката за преименување на улиците во Скопје и истата треба да се најде на дневен ред на утрешната седница на Советот на Град Скопје.
„Не е почитувана процедурата за менување на имињата. Не е одржана јавна расправа во која ќе бидат консултирани релевантни авторитети и институции за адекватноста на самите имиња. Спроведена е само анкета која нема никаква релевантност во целиот процес. Шилегов со предлозите за менување на имињата на улиците прави идентитетско обезличување на Скопје и скопјани“, велат од ВМРО-ДПМНЕ.
