18.8 C
Скопје
28. март 2024
Centar.mk – Вести, бизнис, забава, спорт…
БИЗНИС

ВМРО-ДПМНЕ: Заев ги остави фирмите без реална помош

„Зоран Заев ги остави фирмите без реална помош. Петтиот пакет-мерки нема да ја крене економијата, туку само ќе го забрза колапсот. Иако власта даде 350 милиони евра за економија од ветените 1,2 милијарда, нема никаков ефект. 55.000 луѓе останаа без работа. Државата е задолжена, а никој не знае каде отидоа речиси 900 милиони евра, пари што беа ветени како мерки, но не легнаа ниту кај граѓаните ниту кај стопанството“, соопшти ВМРО-ДПМНЕ.

Според партијата, економијата колабира.

„Имаме пад на извозот и пад на БДП. Падот на домашниот бруто-производ во вториот квартал од 2020 година е поразителен иако нашата земја не спаѓа во групата земји во кои туризмот игра значајна улога во создавањето на БДП, како што се медитеранските земји, Хрватска и Грција, од 38 економии за колку што постојат податоци, а само 9 имаат повисок пад на БДП од Македонија во вториот квартал на 2020 година, а 28 земји помал. Мерките на Заев очигледно не се насочени за помош, тие не се правилно димензионирани и не го постигнуваат посакуваниот ефект. Од мерките остануваат само пресовите на Заев, на кој, гледајќи преку розови очила, ја убедува јавноста колку економијата блеска“, се додава во соопштението.

Спонзорирано: