Во гостувањето на Сител, градоначалникот на Скопје Петре Шилегов се осврна и на критиките од страна на ВМРО-ДПМНЕ, дека „градоначалникот треба да гради нови улици, нови булевари“.
„Јас ќе ве потсетам, „Булевар АСНОМ“ е завршен, „Пластичарска“ или „Никола Карев“ е завршен, „Босна и Херцеговина“ е завршен, „Христијан Тодоровски Карпош“ е завршен, зборувам за булевари, не за улици. Мостот на „АСНОМ“ ќе биде готов до јуни месец, значи ВМРО може да глуми слепило, градот се менува, градот добива на нов квалитет, градот се движи се подобро и подобро, и во инфраструктурна и во урбанистичка смисла на зборот.“ – изјави градоначалникот на Скопје Петре Шилегов, на гостувањето во централните вести на ТВ Сител во 19 часот.
