Времето денеска претпладне ќе биде облачно со врнежи од дожд, пообилни во западните делови.
На места врнежите ќе бидат поројни, а ќе има и услови за појава на грмежи. На повеќе места ќе дува умерен до засилен ветер од јужен правец (над 60 км/час). Поради изразеното јужно струење ќе има транспорт на пустинска прашина, што ќе предизвика на места дождот да биде обоен. Попладне во поголем дел од земјава врнежите ќе престанат. Минималната температура ќе биде во интервал од 5 до 10, а максималната ќе достигне од 11 до 18 степени, јави УХМР.
Во Скопје претпладне ќе биде облачно со повремени врнежи од дожд, а попладне врнежите ќе престанат. Ќе дува умерен до засилен јужен ветер. Минималната температура ќе се спушти до 6, а максималната ќе достигне до 13 степени.
Во наредните денови до четврток ќе преовладува променливо облачно време со повремени врнежи од дожд, кои во вторник и в четврток на одредени места ќе бидат пообилни. На повисоките планини се очекуваат врнежи од снег. Ќе дува умерен до засилен јужен ветер. Според последните информации од УХМР, од петок под влијание на продор на постудена воздушна маса ќе дува засилен северен ветер, а температурите значително ќе опаднат.
ПОПУЛАРНО НА ИНТЕРНЕТ...
