МВР: 32 казни за неплаќање патарина и користење „флешери“, казни и за шест полицајци

Полицијата казни 32 лица за неплаќање патарина и користење „флешери“, а меѓу нив има и шест полициски службеници.

Вчера и денеска полицијата изврши засилена контрола за санкционирање на евентуални злоупотреби при наплатата на патарина на автопатиштата и неовластена употреба на т.н. „флешери“.

Притоа изречени се 32 глоби за неплаќање патарина. Шест полициски службеници ја поминале наплатната станица без да платат, со злоупотреба на „флешери“ и службена легитимација и против нив покрај изречената глоба, ќе бидат преземени мерки и од страна на Одделот за внатрешна контрола.