Проектирањето за изградба на нов експресен пат од Струмица до Коридорот 10 кај Смоквица е во завршна фаза. Во следниот период ќе обезбедиме финансиски средства и ќе почнеме со изградба, истакна министерот за транспорт и врски, Благој Бочварски, при денешната работна посета на општина Валандово.
Министерот потенцира дека се работи на неколку проекти во патната и комуналната инфраструктура во Валандово и регионот, со што значително им се подобруваат условите за живеење на жителите.
„Во првиот квартал од оваа година завршуваме со проектирање нов експресен пат од Струмица и поврзување со автопат на Коридорот 10, со што ќе ја имаме финансиската конструкција и влегуваме во нова етапа на обезбедување финансиски средства за да може побргу да почнеме со изградба на овој приоритетен проект за регионот. Понатаму, преку буџетот на Министерството за транспорт и врски одвоивме 4 милиони денари за изградба на нов пат во населеното место Чалакли“, изјави министерот за транспорт и врски.
Бочварски истакна и дека преку Министерството за транспорт и врски, преку проектот за локални патишта, се работи за реконструкција на три улици во општина Валандово заради подобрување на локалниот развој на општината.
