Мицкоки е несериозен, бара предвремени парламентарни избори а избега од локалните избори во Штип, порача вечерва генералниот секретар на СДСМ, Љупчо Николовски во вклучувањето на социјалните мрежи.
– Во ВМРО-ДПМНЕ ги знаат анкетите, знаат дека од доктор Сашко Николов нема подобар кандидат, знаат дека ги чекаше нов пораз овде во Штип и затоа избегаа од избори. Мицкоски секогаш ги става своите интереси и своите внатрепартиски битки пред интересите на граѓаните, но граѓаните тоа не ги интересира, граѓаните заслужуваат легитимни институции, Штип заслужува легитимен градоначалник, посочи Николовски.
За разлика од ВМРО-ДПМНЕ, додаде Николовски, СДСМ покажа дека знае да се менува.
– Воведовме стандарди и пракси коишто ги нема во статутите на нашите сестринки партии во Европа. Воведовме целосна еднаквост на жените и маѓите во сите органи на партијата, го зајакнавме младинското учество и воведовме непосредни избори за избор на претседател на партијата, заклучи Николовски.
