„Црните рекорди на Филипче продолжуваат. И додека бројката на заразени се движи околу 30 проценти од бројот на тестирани во едно деноноќие, Филипче наместо да дејствува си тера пиар – носете маски“, соошти ВМРО-ДПМНЕ.
Според партијата, додека владата ја води Заев, а Филипче министерува со ресорот здравство ништо не помага.
„И додека Заев и Филипче се држат само до ‘носи маска’, државите во Европа спроведуваат многу конкретни мерки. Но, кај нас Заев и Филипче чекаат?! Така велат самите. Додека Заев и Филипче чекаат и си ги тераат бизнисите, граѓаните се оставени сами на себе. Ниту политичката Комисија за заразни болести не знае очигледно ништо повеќе од ‘носете маски’. Затоа во оваа ситуација, кога има повеќе од илјада починати лица и сме високо на листата по починати лица на милион жители, мерката е јасна – Филипче да поднесе оставка“, се вели во соопштението.
