Поранешниот пратеник и претседател на Сојузот на Ромите, Амди Бајрам попладнево беше погребан на муслиманските гробишта во Бутел.
Како што јавуваат дел од медиуми, на погребот присуствувале околу 300 луѓе кои носеле заштитни маски, но поради дождот не можеле да држат физичка дистанца.
Амди Бајрам почина вчера на 64 годишна возраст. Министерството за здравство вчера соопшти дека Бајрам бил позитивен на Ковид-19, а имал и други тешки заболувања.
