Заменик-претседателката на СДСМ, Радмила Шекеринска учествуваше на видео состанокот на Претседателството на Партијата на европски социјалисти.
„На состанокот Северна Македонија доби силна поддршка на патот кон ЕУ. Претседателството дискутираше за потребата од што побрзо воспоставување на преговарачката рамка меѓу Северна Македонија и ЕУ, при што беа поддржани и апелите на Владата на Република Северна Македонија во таа насока“, се вели во соопштението.
Притоа Претседателството усвои заедничка изјава во која се вели: „Претседателството на ПЕС го повикува Советот на ЕУ да ги усвои преговарачките рамки за Северна Македонија и Албанија без одлагање и не подоцна од 10 ноември, и да овозможи првата меѓувладина конференција меѓу Северна Македонија и ЕУ да се одржи пред крајот на 2020 година”.
