Јавното претпријатие „Паркинзи на Општина Центар“ (ПОЦ) во соработка со оваа скопска општина и сообраќајната полиција минатата недела санкционирале 192 непрописно паркирани возила, кои го попречувале нормалното и безбедно одвивање на сообраќајот.
Поточно, во периодот од 17 до 23 август, со помош на специјалните возила „пајак“ биле отстранети 94 непрописно паркирани возила, а со поставување „блокатор“ санкционирани биле 98 возила, кои биле затекнати во резидентни зони, а не биле резиденти на секторот во кој биле паркирани.
ПОЦ и Општина Центар информираат дека континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места.
Спонзорирано:
